O concello de Zas aprobou o proxecto de urbanización da futura praza de Baio, que terá un orzamento de máis de 384.000 euros. O 75% desta cantidade será financiado pola Deputación e a parte restante polo concello.
No pleno celebrado este xoves tamén se aprobou unha moción sobre o servizo de pediatría. Trasládanse novamente as demandas ao Sergas e pedirase o apoio doutros concellos mediante unha moción que será remitida a toda a Costa da Morte.Ademais escolléronse como festivos locais o 10 de xullo(San Cristovo) e o 16 de xullo(Día do Carmen). O pleno tamén acordou adherirse á declaración de emerxencia climática.