O 112 Galicia tivo coñecemento doutro accidente de tráfico rexistrado esta tarde no concellode Cee. Tratouse dun camión cargado con bombonas de butano e propano que se saíu da vía na parroquia de Ameixenda. Como consecuencia do impacto, o condutor do vehículo resultou ferido e foi evacuado en ambulancia ao centro hospitalario de referencia.
En canto á carga, se ben é certo que algunhas bombonas caeron á estrada, o contido non sufriu alteracións e, por tanto, non houbo risco para a contorna.Desde o 112 Galicia, solicitouse a colaboración dos Bombeiros de Cee, que acudiron ao lugar do accidente para comprobar o estado da carga e axudar á retirada das bombonas ciscadas pola estrada.Finalmente, a empresa transportista encargouse da recuperación e transvase das bombonas e un guindastre procederá á retirada do vehículo sinistrado
