O vindeiro martes 25 de xuño, na sección do medio rural do programa «Na Encrucillada» emitirase un especial sobre a Cooperativa Xallas, desde as 12 do mediodía.O locutor Xosé Manuel Lema, xunto cos colaboradores Xoán Ramón Alvite e Manolo Rodríguez Caamaño entrevistarán á gandeiros e técnicos relacionados coa histórica entidade de Santa Comba.
Sorteo dun xantar
Neste espazo tamén teñen aberto un sorteo para premiar a fidelidade dos ouvintes. Unha persoa será convidada a un xantar cos membros do equipo radiofónico. Para participar no concurso só deben de mandar unha mensaxe (facendo referencia ao concurso) cos seus datos ao Whatsapp 693.28.77.49. O vindeiro martes tamén falarán deste asunto.
«Na Encrucillada» emítese de luns a vernes entre as 11 e as 13h, con repetición ás 20h.
