As condicións do terreo e a falta de seguridade obrigaron a unha muller perdida e aos seus rescatadores a pasar a noite no monte.
Os dous axentes da Garda Civil que acudiron na procura da muller arroupárona e a acompañaron ata o abrente do día, cando puideron volver a casa, situada na localidade coruñesa de Ponteceso.
Todo sucedeu ás 22:30 horas de onte, momento no que salta no 112 Galicia un aviso a través da aplicación Alpify 365 correspondente a unha persoa perdida en Monte Blanco, preto da Praia de Valarés. Concretamente, tratábase dunha muller que saíra a pasear co seu can e non era quen de recuperar o camiño habitual de volta a súa casa.
Coas coordenadas que facilita a propia aplicación, o persoal do 112 Galicia púxose en contacto coa Garda Civil, que comezou a busca por unha zona frondosa de Cospindo. Pouco tempo despois, deron coa muller, que estaba en perfecto estado de saúde, pero a volta complícase debido á inestabilidade do terreo, polo que o equipo de rescate decide pasar a noite no monte.
Provistos de suficiente roupa de abrigo, a muller e os seus rescatadores agardaron ao abrente do día para retomar con mellores condicións o camiño de volta a casa.
A primeiras horas desta mañá, un equipo do GES de Ponteceso en coordinación coa Garda Civil achegou á muller e aos seus rescatadores máis roupa de abrigo e bebidas quentes.
Fonte-axega 112
