Un incendio declarado esta tarde nun piso dun edificio de cinco andares en Ames afectou a un neno pequeno, que tivo que ser traslado a un centro médico con síntomas de intoxicación por inhalación de fume. Segundo puido saber o 112 Galicia, o lume propagouse pola cociña da casa e calcinou unha cafeteira, a vitrocerámica e a campá extractora.
Os feitos ocorreron ao fío das 13:30 horas, no número 4 da rúa do Xeixo e foi a veciñanza do edificio quen alertou ao 112 Galicia.Acto seguido, os xestores do Centro Integrado de Atención ás Emerxencias 112 Galicia puxeron a situación en coñecemento do 061-Urxencias Sanitarias, do GES de Brión e dos Bombeiros de Boiro. Ademais, dende o 112 Galicia informouse dos feitos aos Bombeiros de Santiago, á Policía Local, á Garda Civil e a Protección Civil da localidade.
Fonte-Axega 112
