Un home perdeu a vida na tarde de onte ao quedar atrapado debaixo do tronco dunha árbore na localidade coruñesa de Laracha.O 112 Galicia tivo constancia dos feitos pasados uns minutos das 18:15 horas da tarde do pasado venres. Segundo a información facilitada aos xestores do Centro Integrado de Atención ás Emerxencias, un varón necesitaba axuda tras quedar atrapado embaixo do toro nunha cuneta na parroquia de San Bieito de Golmar. A vítima atopábase inconsciente e preto do lugar do accidente había un tractor parado.
De inmediato, desde o CIAE 112 Galicia, contactouse co 061-Urxencias Sanitarias, Garda Civil, Policía Local, Bombeiros de Bergantiños e tamén cos voluntarios de Protección Civil da localidade.Desafortunadamente, os servizos de emerxencia unicamente puideron confirmar o seu falecemento.
Fonte Axega 112
