Un operario resultou ferido de consideración tras sufrir un accidente na embarcación na que realizaba o seu traballo, na Praia de San Francisco, en Louro, na localidade de Muros.O alertante que chamou ao 112 Galicia, ao redor das 11:30 horas desta mañá, solicitou axuda para un mergullador que atopábase no barco da empresa realizando a labor de limpeza dunha das gaiolas de salmón. Segundo o seu relato, o traballador respiraba con dificultade tras quedar atrapado e ser rescatado polo seu compañeiro que subiuno a superficie e o levou ata a praia.
Nada máis ter constancia dos feitos, os xestores do CIAE 112 Galicia pasaron o aviso ao 061-Urxencias Sanitarias, que mobilizou un helicóptero medicalizado ata o punto para socorrer ao ferido.Tamén se informou á Policía Local, aos membros do GES de Muros, á Garda Civil e ao Servizo de Gardacostas de Galicia.Finalmente, o traballador foi evacuado na aeronave ao centro hospitalario de referencia.
