O Bloque Nacionalista Galego de Cee presentou unha moción para pedir ao goberno que encargue un estudo a unha empresa especializada, no que se recollan os problemas existentes, e onde se consideren as alternativas mais efectivas, para poder abordar as melloras necesarias e asegurar a difusión dos canais de Televisión Dixital Terrestre (TDT).
Os nacionalistas aseguran que seguen existindo probemas na cobertura da TDT en aldeas como Ruibo ou A Lagoa onde hai cortes frecuentes. Tamén hai deficiencias en Gures ou en puntos de Brens e Estorde.
A isto hai que unir o problema de Lires «sen subministro eléctrico e alimentado por xeradores cun custe desorbitado que ronda os 3000 euros mensuais, en moitos fogares do rural o sinal é moi deficiente, a parte de non poder sintonizar moitas das canles que se ofertan».
