Unha persoa resultou ferida grave tras ser alcanzada por un vehículo que continuou a marcha en Vimianzo.O 112 Galicia tivo coñecemento do suceso ás 6:10 horas de hoxe mediante a chamada de alerta dos servizos sanitarios de urxencia que informaban dunha persoa atropelada á altura do cruce en dirección a Camariñas. Segundo indicaban, o peón presentaba lesións graves e sinalaban que o vehículo implicado no accidente continuara a marcha.
Deste xeito, desde o 112 Galicia, avisouse aos axentes da Garda Civil de Tráfico, que enviaron unha dotación ao punto co fin de recabar máis información sobre o sinistro.
Información de Axega 112
