O alcalde de Zas, Manuel Muíño Espasandín, convocou unha xuntanza cos pais e nais que están afectados polos recortes no servizo de pediatría nos centros de saúde Baio e Zas.
Fontes municipais indican que nesta xuntanza o alcalde informará da situación actual «e abordaranse as medidas que se tomarán co fin de que os nenos e as nenas do noso concello reciban a atención médica que precisan e merecen».
O encontro terá lugar no centro sociocultural de Zas, este vindeiro venres ás 20:30 horas.Fai uns días, Manuel Muíño sumábase á indignación existente nos veciños e denunciaba unha redución importante de horas no servizo por parte da Xunta de Galicia.
