Noticia do sábado 9 de xuño ás 9,40 da mañá. AXEGA 112
Unha mancha de aceite obrigou a interromper o tráfico na AG-55 entre Paiosaco e Arteixo. Os servizos de emerxencias está a traballar xa na limpeza da estrada co fin de restablecer canto antes as condicións de seguridade na vía.
A alerta activouse no 112 Galicia preto das oito desta mañá, a partir dun aviso dos axentes da Garda Civil de Tráfico, que pedían medios para a limpeza da calzada afectada por unha mancha de aceite que abrangue ao tramo de enlace entre a AP9 e a AG55, entre os quilómetros 28 e 9.
Deste xeito, os xestores do 112 puxéronse en contacto cos bombeiros de Arteixo para a limpeza da vía, mentres que a empresa concesionario da vía procedeu ao corte da circulación nos carrís lentos entre Paiosaco e Arteixo co fin de garantir a seguridade.
