A executiva do Partido Galeguista enviou unha comunicación á Xunta de Galicia, Parlamento de Galicia, partidos políticos, Consello da Cultura Galega, Real Academia Galega e ás universidades, para pedir un posicionamento común para que se conserve «o legado artístico e documental» do Centro Galego de Bos Aires.
Os galeguistas agardan que «ca nosa convocatoria, fundamentada en criterios profesionais de defensa e resgardo do patrimonio artístico, promova o compromiso e intercambio de opinións e posta en común entre as entidades da Galicia territorial coas da emigración galega de Bos Aires». Queren que o patrimonio artístico e cultural do Centro Galego quede salvagardado «nunha única colección e nun mesmo espazo físico». Esta semana Adiante Galicia publicaba un artigo sobre este tema do secretario xeral do P.G., Francisco López «Chesqui».
