Arredor das oito da tarde de onte, unha muller foi evacuada en Carballo despois de ser alcanzada por un turismo na Rúa da Fábrica.
A muller foi trasladada nunha ambulancia de Urxencias Sanitarias para ser atendida das feridas provocadas polo atropelo, que se produciu cando a muller aparentemente cruzaba por un paso de peóns.
Foi o propio implicado no accidente quen se puxo en contacto co 112 para solicitar axuda. Así, desde o CIAE 112 Galicia avisouse aos bombeiros da vila e aos axentes da Policía Local.
