O CIAE atendeu esta tarde outros atropelos que tiveron lugar en Carballo e Pontevedra. O máis recente rexistrouse minutos despois das seis da tarde na Rúa Fomento, confluencia con Avenida de Fisterra, na localidade carballesa.
Alí un menor foi atropelado por un turismo, polo que foi evacuado nunha ambulancia de Urxencias Sanitarias ao Punto de Atención Continuada do municipio para ser atendido das feridas provocadas polo golpe.
Deste accidente informou un particular ao persoal do 112 Galicia, que pediu a colaboración dos bombeiros da vila e dos axentes da Policía Local.
