Veciños de O Cótaro, na parroquia carballesa de Entrecruces, dirixíronse a este xornal para expresar o seu malestar pola situación na que viven, xa que aseguran que despois de cinco denuncias rexistradas e de trasladar as súas inquedanzas no consello parroquial seguen como estaban.
«As palas limpian as cunetas e a dona das fincas pón as pedras a carón da carretera.No Cótaro seguimos con mirtos, tuberías e pedras na vía pública e o concello de Carballo segue sen mover un dedo» asegura unha veciña do lugar, que asegura que o goberno local sabe do problema desde decembro de 2016.
O asunto non é novidoso, e por iso fontes veciñais tamén amosan a súa sorpresa pola falta de iniciativa da oposición:»Invito á oposición a darse unha volta por estes lares xa que os que nos gobernan pasan e fan que non ven nada».
