Os Bombeiros de Cee excarceraron esta tarde a dúas persoas de idade avanzada despois de producirse unha colisión entre un turismo e un camión en Dumbría. As vítimas, que viaxaban no coche accidentado, foron trasladadas ao Hospital Virxe da Xunqueira.
Segundo se lle indicou ao 112 Galicia, o camión non transportaba mercadorías perigosas.O sinistro tivo lugar no punto quilométrico 82 da AC-552. Foi o persoal do 061-Urxencias Sanitarias quen alertou do accidente ao 112 Galicia ás 16:50 horas.
A partir de aí, dende o Centro Integrado de Atención ás Emerxencias (CIAE) 112 Galicia púxose a situación en coñecemento dos Bombeiros de Cee, da Garda Civil de Tráfico, de Protección Civil e do servizo de mantemento da estrada.
