Os Bombeiros de Carballo excarceraron onte a unha persoa atrapada no interior dunha furgoneta despois de colidir frontalmente contra un turismo, en Carballo. Ademais da persoa que tivo que ser liberada, outras tres persoas tamén resultaron feridas.
O accidente tivo lugar sobre as 20:00 horas deste luns, na AC-552, no punto quilométrico 26. Despois de recibir a chamada de varios particulares que pedían axuda, o 112 Galicia alertou ao 061-Urxencias Sanitarias e aos Bombeiros de Carballo que, axiña se desprazaron ao punto. Así mesmo, informouse da situación á Garda Civil de Tráfico, aos membros de Protección Civil da localidade e ao persoal do servizo de mantemento da estrada.
Tras ser liberado o condutor da furgoneta, os catro feridos foron evacuados en distintas ambulancias polo persoal sanitario ao centro hospitalario de referencia.
