O alcalde de Neda, Ángel Alvariño Saavedra, mantivo unha xuntanza co conselleiro de Política Social, José Manuel Rey Varela, que foi valorada positivamente polo rexedor que informou que o conselleiro comprometeuse a que a escola infantil «Os Pelegríns» pase a formar parte do Consorcio Galego de Servizos de Igualdade e Benestar, unha das demandas do goberno local de Neda.
Segundo fontes municipais a Xunta estudará a posibilidade de que os maiores de Neda poidan dispoñer nun futuro dun centro de día. Ademáis en 2018 duplicaranse o número de horas de asistencia ás persoas maiores que pasarán a ser de 400.000 horas anuais para o 2018.Alvariño tamén aceptou a proposta de Rey Varela de valorar a implantación do programa «Xantar na casa», un servizo a domicilio pensado para xente maior ou con problemas de mobilidade.
