Un accidente de tráfico ocorrido a pasada tarde en Cee saldouse con dúas persoas excarceradas. O accidente tivo lugar en Estorde, na estrada que vai a Fisterra, en fronte da praia.O 112 Galicia tivo constancia do sinistro ás 19:45 horas a través do aviso do 061-Urxencias Sanitarias.
Decontado, o persoal do Centro Integrado de Atención ás Emerxencias (CIAE) 112 Galicia pasaba o aviso á Garda Civil de Tráfico, aos Bombeiros de Cee e a Protección Civil.
Tras liberar ás persoas accidentadas, a dotación levou a cabo tarefas de limpeza na estrada.
