NOTA ACLARATORIA DE ADIANTE GALICIA
Despiden ao mozo falecido este xoves en Rus
Os restos de Jesús Casas Cebey recibirán sepultura este sábado as 16,15 no cemiterio de Niveiro, no concello do Val do Dubra. O velatorio ten lugar no tanatorio Santa María de Bembibre, no mesmo concello.
Fontes próximas á familia confirmaron que este mozo de 37 anos morreu soterrado por un noiro de terra e non por caer nunha gabia. Como ven sendo habitual, Adiante Galicia reproducía este xoves unha nota de prensa publicada polo servizo Axega 112 da Xunta de Galicia, que neste caso incluía unha información incorrecta.
Jesús traballaba na instalación dunhas tubaxes no lugar de Outón, na parroquia de Rus en Carballo.
