O concello de Neda tramita obras por importe superior aos 140.000 euros e financiadas con cargo ao Plan Marco de Mellora de Camiños Municipais da Consellería de Medio Rural e ao Plan Unificado de Subvencións da Deputación.No plan da Xunta invístense preto de 50.000 euros(O goberno autonómico achega 40.000 euros en dúas anualidades)en melloras nos camiños de Maciñeira-Escorial e de Viladonelle desde Porta da Pena.
Con respecto ao Plan Unificado de Subvencións desenvolveranse melloras en camiños de Cerdeira, As Barreiras-Gradaílle, Castiñeiro-Bernes, Laboura-Monte, no vial perimetral Valle Inclán e mesmo tamén no de Pename.O investimento ascende a 91.000 euros.
Desde o concello de Neda manteñen a idea inicial de asfaltar con aglomerado en quente «todas as infraestruturas viarias do municipio coa fin de prolongar o seu bo estado de conservación».
