Unha persoa resultou ferida, en Negreira, ao sufrir un accidente co tractor que manexaba. A vítima foi evacuada nun helicóptero a un centro hospitalario.
Os feitos tiveron lugar nunha leira do lugar de Vilacoba, na parroquia de Bugallido. O 112 Galicia tivo coñecemento da situación ás 14:00 horas desta tarde, a través do 061. Os efectivos sanitarios explicaron que estaban a mobilizar ata o punto o helicóptero medicalizado con base en Santiago.
Pola súa banda, dende o Centro Integrado de Atención ás Emerxencias do 112 alertouse ao GES de Brión e á Garda Civil.
