O concello de Mazaricos deu a coñecer o cartel da Semana Gandeira que se vai a celebrar na Picota entre o 27 de novembro e o 3 de decembro, organizada polo concello, Gandeiros de Mazaricos, Africor Coruña e Eu Son Mazaricos.Desde o 27 de novembro haberá actividades escolares, visitas a explotacións gandeiras, concursos de fotografía, postres lácteo e relato curto e cursos e exhibicións de cociña.
O sábado 2 de decembro celebraranse as xornadas técnicas do sector lácteo pola mañá e pola tarde haberá actividades para os nenos, a entrega de premios dos concursos e un concerto da Banda de Balbina.
O domingo 3, pola mañá, terá lugar a tradicional Poxa de Xovencas, co sorteo de máis de 2.000 euros en agasallos entre tódolos asistentes. Durante toda a fin de semana estará aberta unha exposición de maquinaria agrícola, gandeira e de servizos.
