Nove colectivos organizan unha charla informativa sobre a proposición de lei de fomento da implantación de iniciativas empresariais de Galicia que se está tramitando no Parlamento de Galicia e que os promotores desta xornada cualifican como a «lei de depredación de Galiza»
A cita será o vindeiro sábado 7 de outubro ás 19,00h no Pazo da Cultura de Carballo. As entidades convocantes son Asoc. Petón do Lobo, Plataforma pola defensa da terra de Coristanco, a Asoc. ambiental Contramínate de Laxe, a Asoc. de Veciños de Cereo, a Asoc. veciñal, cultural e deportiva «Lourido» de Valenza, a Asoc. galega Cova Crea, a Plataforma pola defensa de Corcoesto e Bergantiños, a Asoc. de amig@s das árbores «Ouriol do Anllóns» e Contraminacción.
Estas entidades entenden que esta lei, entre outras cousas, vai a «poñer o noso territorio en bandexa ás empresas mineiras e eólicas, eliminando garantías ambientais e reducindo prazos nas tramitacións».
