Segundo informou Protección Civil de Val do Dubra o accidente tivo lugar á altura de Paramos,e houbo unha persoa ferida.
Hoxe, ás 05:45 horas, os servizos sanitarios informaban ao CIAE dunha saída de vía dun turismo en Val do Dubra, ao redor do punto quilométrico 18 da AC-406. Decontado, os profesionais do CIA puxeron os feitos en coñecemento dos axentes de Tráfico que xa tiñan constancia do suceso. Ademais solicitaron a colaboración dos efectivos de Protección Civil de Val do Dubra.
Unha vez no punto, os membros de Protección Civil indicaron ao 112 Galicia que era precisa a intervención do persoal do servizo de mantemento da estrada, para a limpeza do gasóleo e aceite do vehículo que quedou derramado pola estrada. Ademais, debido ao impacto, o coche partiu á metade ocupando ambos carrís da vía.
