Luns 19:00h-
Os servizos de emerxencia traballan na extinción de dous incendios en transformadores de Santa Comba.Os efectivos de emerxencias traballan nestes momentos na extinción de dous incendios declarados en senllos transformadores eléctricos, en Santa Comba.
Os feitos teñen lugar na contorna da canteira de Varilongo, en Santa Sabiña. Precisamente, persoal da mina contactou co 112 Galicia ás 18:00 horas desta tarde para explicar a situación.Dende o 112 informouse aos Bombeiros de Santa Comba, a Protección Civil e á Garda Civil.Tamén se avisou á empresa responsable da subministración eléctrica. A compañía xa procedeu ao corte da liña para que os membros de emerxencias poidan traballar na zona con seguridade.
