Unha persoa resultou ferida a última hora da tarde de onte tras ser arrolada por un tractor, en Tordoia. En concreto, os feitos tiveron lugar nunha leira de Anxeriz, na zona do Niño do Corvo.
Unha persoa particular chamou ao 112 Galicia ás 20:40 horas de onte para dar conta dos feitos. Segundo relatou, a vítima permanecía tendida na leira despois de que o tractor lle pasara por riba.
O persoal do Centro Integrado de Atención ás Emerxencias do 112 alertou decontado ao 061-Urxencias Sanitarias e á Garda Civil.A vítima acabou sendo trasladada ao Complexo Hospitalario Universitario de Santiago.
