A asociación de empresarios de Santa Comba quixo parabenizar á xalleira Blanca Ruzo polo traballo desenvolvido no concello a prol da doazón de sangue nos últimos 24 anos.
Días despois do acto que tivo lugar na Cidade da Cultura con motivo do Día Mundial do Doador de Sangue, e no que xunto con distintas entidades e particulares, houbo un recoñecemento a Ruzo; agora a asociación de empresarios que preside Teresa Castro quixo tamén destacar o seu traballo, facéndolle entrega dun ramo de rosas.
