A alcaldesa de Santa Comba, María Pose, e a concelleira de Asuntos Sociais, Esther Espasandín, mantiveron unha xuntanza co conselleiro de Política Social, José Manuel Rey Varela, para tratar «asuntos de índole social que afectan a esta localidade coruñesa».
O conselleiro tamén informou do incremento de 1251 horas ao mes na prestación de SAF Dependencia para sumar un total de 34.008 horas anuais de servizo. «O obxectivo é conseguir todas as melloras posibles na calidade de vida das familias e das persoas dependentes, para o que continuamos a incorporar de maneira progresiva a máis persoas aos diferentes servizos que integran o sistema autonómico de atención», indicou Rey Varela.
