O voceiro municipal de Compromiso por Galicia no concello da Baña, César Ramos, solicitará no pleno ordinario do vindeiro mércores o «apoio expreso» da corporación á plataforma de vítima do Alvia-04155. No texto da moción presentada tamén se pide unha investigación a cargo dunha comisión de expertos e da apertura dunha comisión de investigación para «establecer posibles responsabilidades políticas».
Ademais, Ramos defenderá outra moción na que pide, textualmente, que » o Concello da Baña inicie os estudos e xestións necesarios para a tramitación e aprobación, a través da correspondente ordenanza fiscal reguladora, dunha taxa pola utilización ou aproveitamento do dominio público local polas empresas titulares de instalacións de transporte de enerxía eléctrica, auga, gas ou hidrocarburos, e o seu cobro en beneficio do municipio, segundo a doutrina marcala polas sentenzas do Tribunal Supremo que así o avalan».
Esta semana o concello da Baña celebrou un pleno extraordinario.
