Os Bombeiros de Cee liberaron a unha persoa que quedara atrapada no interior do seu vehículo despois de saírse da vía en Vimianzo. A dotación do parque comarcal tivo que desmontar parte do coche para sacar, pola parte traseira, á vítima, que foi atendida nunha ambulancia. O accidente tivo lugar na AC-552, á altura do cruce cara Camariñas-Fisterra. Un particular alertaba do sinistro ao 112 Galicia ás 9:10 horas.
Decontado, dende o Centro de Atención ás Emerxencias 112 Galicia pasábase o aviso a Urxencias Médicas, aos Bombeiros de Cee, á Garda Civil de Tráfico e ao servizo de mantemento da estrada.
