Os dous tripulantes están «en perfectas condicións» segundo a información da central de emerxencias 112 recollida por EuropaPress
Na mañanciña de hoxe o veleiro Le Poulpe de bandeira holandesa e con dous persoas a bordo foi remolcado por unha zódiac ao porto de Cariño. A embarcación tivo problemas de motor preto do cabo Ortegal cando ía cara á Coruña, segundo publicacións no Faro de Vigo.
O centro de emerxencias 112 concretou que foi alertado ás catro da mañán por un particular e tamén por un dos tripulantes que dixera que quedaran sen combustible. O 112 movilizou a súa vez a Salvamento Marítimo, aos servizos de Gardacostas de Galicia ao GES de Ortigueira e máis á Garda Civil. Con todo, cando chegaron ao lugar onde se atopaba o barco, o helicóptero Pesca 2 e a lancha Salvamar Shaula viron ca embarcación xa fora auxiliada por unha zódiac, polo que fixeron o traballo de acompañamento e control do remolque ata o porto de Cariño.
