Un incendio nunha planta de reciclaxe en Arteixo provocou un lume de grandes dimensións. Ardeu lixo e restos de desfeitos acumulados nunha explanada fóra do edificio. Un particular alertaba ao 112 Galicia ás 16:40 horas.
Axiña, o CAE 112 Galicia informaba do incendio aos Bombeiros de Arteixo, aos Bombeiros de Carballo, a Protección Civil e á Policía Local, que se achegaron ao punto. Ademais, O 112 Galicia pasou o aviso, por precaución, aos Bombeiros da Coruña. Os servizos de emerxencia traballan na extinción do lume.
