Unha colisión entre tres coches rexistrada esta mañanciña na Laracha sáldase con dúas persoas feridas. Ambas foron evacuadas a un centro hospitalario.
Unha persoa particular chamou ao 112 Galicia ás 7:40 horas desta mañá para dar conta do accidente. Segundo indicou, os feitos tiveron lugar na AC-523, nas inmediacións do Polígono de Ledoño.
Dende a central de emerxencias do 112 informouse a Urxencias Médicas e aos Bombeiros de Carballo. A situación tamén foi posta en coñecemento de Protección Civil e da Garda Civil de Tráfico.
Ata o lugar do accidente desprazouse tamén, alertado polo 112 Galicia, persoal de mantemento da estrada.
Fonte-Axega 112
