O concello de Dumbría organiza un ciclo de actividades culturais que percorrerán durante varios sábados consecutivos distintas parroquias do municipio.
Os «Sábados de Primavera» comezarán o 22 de abril cun obradoiro de marionetas na Casa da Cultura de Olveira. Unha semana máis tarde chegará a obra con marionetas «Toribio de Mañón» que se desenvolverá no edificio Bitácora de O Ézaro. O Sábado 6 de maio nas instalacións do Conco na capital municipal haberá obradoiros de globoflexia, abaloiros, etc..
E o 13 de maio, a actividade chegará a Casa da Cultura de Buxantes cunha sesión de contacontos, «Fábulas». Por último e en conmemoración do Día das Letras Galegas, a Casa da Cultura de Berdeogas acollerá o espectáculo «Cocorococó». Tódalas funcións son ás 17:30h e a entrada é de balde.
