Unha colisión múltiple sáldase con tres persoas feridas en Vimianzo
Un choque entre catro vehículos esta tarde en Vimianzo saldouse con tres persoas feridas. Ningunha das persoas implicadas no sinistro quedou atrapada. O accidente tivo lugar na estrada que une Vimianzo e Cee, concretamente no punto quilométrico 68. O 112 Galicia recibía a alerta por parte dun particular ás 18:05 horas.
Axiña, o Centro de Atención ás Emerxencias 112 Galicia pasaba o aviso á Garda Civil de Tráfico, aos Bombeiros de Cee e a Protección Civil de Vimianzo.
