O ximnasio municipal do concello de Mazaricos inaugurouse a pasada fin de semana cunha xornada de portas abertas, na que participaron moitos veciños, entre elas a atleta Rocío Alvite que non quixo perderse a cita.
Tamén asistiu o alcalde, Juan José Blanco Riveiro e a deputada responsable de Igualdade da Deputación provincial, Ánxela Franco. Este organismo aportou unha grande parte dos fondos que fixeron posible esta actuación.
Nesta xornada houbo demostracións e masterclass de zumba, spinning ou jump. O alcalde Juan Blanco dixo estar «moi feliz porque os veciños poidan contar con esta mellora» xa que «O ximnasio é outro dos compromisos do programa electoral que, con responsabilidade e xestión, imos cumprindo»
