O delegado territorial da Xunta na Coruña, Ovidio Rodeiro, visitou o concello de Arteixo onde mantivo un encontro de traballo co alcalde Carlos Calvelo.
Rodeiro comprobou tamén o resultado das obras de reforzo do firme executadas na estrada AC-552, e que serviron para recuperar o firme e aumentar a seguridade viaria nas travesías urbanas do propio concello arteixán, Vimianzo, Paiosaco, A Laracha, Agualada e Baio. Tamén incluíse nesta actuación, debido ao deterioro que se constatou, o treito que discorre entre a glorieta de Sabón e a de Bajamar (Pescanova), previo ao comezo da travesía de Arteixo.
Infraestruturas e Vivenda, ascendeu a preto de 400.000 euros e está enmarcada nun plan máis ambicioso de reforzo do firme no que tamén se incluíron dúas actuacións en estradas de Oleiros, en concreto nas travesías da AC-175, en Perillo, e na AC-180, no Carballo.
Na súa visita Ovidio Rodeiro destacou a importancia estratéxica de Arteixo, «un concello que segue a manterse como un dos motores da economía de Galicia ao tempo que trabala arreo por compaxinar a súa actividade industrial cun crecemento sostible e co benestar dos veciños».
