Unha persoa perdeu a vida onte ao circular en sentido contrario pola AG-59 e impactar o seu coche contra outro vehículo. Os feitos tiveron lugar, concretamente, en Teo, no punto quilométrico 1, sentido A Estrada. Por mor do impacto, no outro turismo houbo un ferido que foi trasladado por Urxencias Médicas ao centro hospitalario de referencia.
O 112 Galicia recibía a alerta da colisión a través dun particular ás 20:35 horas. Segundo o seu relato, acababa de ter un golpe cun coche que viña en sentido contrario. Indicaba, tamén, que o outro turismo estaba parado un pouco máis atrás.
Decontado, o Centro de Atención ás Emerxencias pasou o aviso á Garda Civil de Tráfico, a Protección Civil de Santiago e de Teo, a Urxencias Médicas, aos Bombeiros de Santiago, ao GES da Estrada e ao servizo de mantemento da estrada. Trala colisión formouse retención en ambos sentidos.
Fonte – Axega 112
Imaxe-CRTVG
