En Coristanco, dúas persoas resultaron feridas nunha colisión entre dous vehículos. Segundo se lle indicou ao 112, o seu estado non reviste gravidade.
O accidente rexistrouse no quilómetro 9 da AC-421, á altura do lugar de Vilaverde, na parroquia de Cereo. Unha persoa particular chamou ao 112 Galicia minutos despois das 17:00 horas para informar do sinistro.
Dende o Centro de Atención ás Emerxencias do 112 informouse a Urxencias Médicas e aos Bombeiros de Carballo. Tamén se alertou ao GES de Ponteceso, a Protección Civil e á Garda Civil de Tráfico.
