Iniciativa da asociación de empresarios, á que se suma o concello de Santa Comba e o Xallas F.C.
A asociación de empresarios de Santa Comba organiza un xantar de homenaxe a José Manuel Arufe Rieiro, para recoñecer a súa traxectoria empresarial. Esta iniciativa conta co apoio do concello de Santa Comba e do Xallas F.C., que se adhiren ao acto que terá lugar o sábado 4 de marzo, as 14,00h no restaurante Casa Aurelio da capital do Xallas.
O empresario José Manuel Arufe, foi vicepresidente e vogal da asociación de empresarios, alcalde de Santa Comba e directivo e xogador do Xallas. Tamén foi deputado provincial.
O prezo do xantar por persoa é de 25 euros. Poden recollerse os tickets nas oficinas da asociación de empresarios ata o 1 de marzo. A cita está a berta a tódalas persoas que desexen asistir.
