Un varón xubilado resultou ferido esta tarde en Santa Comba ao caerlle a póla dunha árbore na cabeza. A vítima tivo que ser evacuada nun helicóptero ata un centro hospitalario.
Os feitos rexistráronse nunha zona de monte de Mallón, na parroquia de Cícere. Unha persoa particular alertaba ao 112 Galicia ás 15:30 horas de hoxe.
O persoal do Centro de Atención ás Emerxencias informou a Urxencias Médicas. Os efectivos sanitarios mobilizaron ata o punto o helicóptero medicalizado con base en Santiago. A situación tamén foi posta en coñecemento de Protección Civil e da Garda Civil.
