Os bombeiros excarceraron ao condutor dun turismo que quedou atrapado tras unha colisión en Porto do Son. Sucedeu onte, ás oito da tarde, na AC-550, no lugar de Caamaño.
Dous turismos colidiron e un dos condutores necesitou a axuda dos bombeiros para abandonar o vehículo. Unha vez liberado, foi evacuado, xunto co outro condutor implicado, ao centro hospitalario máis próximo.
Foi unha persoa particular quen alertou ao persoal do 112 Galicia. Dende a central de emerxencias se avisou aos Bombeiros de Boiro, aos voluntarios de Protección Civil, Urxencias Médicas e aos axentes da Garda Civil de Tráfico.