Un coche chocou contra o garaxe dunha casa tras producirse unha colisión múltiple en MazaricosUnha persoa resultou ferida tras encaixar o coche que conducía no portal dunha casa. Sucedeu ás 21 horas de onte na estrada que une Negreira con Muxía, ao paso pola parroquia mazaricana de Antes.
O impacto produciuse como consecuencia dunha colisión na que se viron implicados un total de tres vehículos. Só a persoa que conducía o coche que entrou polo portal da casa necesitou asistencia médica.
Quen alertou ao 112 Galicia pensou que o ferido quedara, ademais, atrapado no interior do vehículo. Por iso, os xestores do Centro de Atención ás Emerxencias de Galicia solicitaron a colaboración dos Bombeiros de Santa Comba.Unha vez no lugar do sinistro, os efectivos do parque comarcal comprobaron que a persoa estaba liberada e accesible e foi evacuada ao centro médico de referencia polos servizos sanitarios de urxencia.Non obstante, o impacto provocou danos estruturais importantes e os bombeiros tiveron que apuntalar o garaxe e o portal da casa afectada.
