O concello de Coristanco organizará o vindeiro domingo, 9 de outubro, desde as cinco da tarde no local social da Pomba, na parroquia de Erbecedo, unha homenaxe as cantareiras e bailadoras de Silván.
Haberá unha mesa redonda moderada por Carme Pardiño Rial, e na que participarán pandereteiras e bailadoras históricas de Silván, familiares das falecidas, o investigador Luís Prego e o historiador Xosé Pumar Gándara. Despois haberá unha entrega de agasallos e un concerto coa actuación de netos e bisnetos de María Castro Romero, das cantareiras históricas de Silván e Ferraxeira da Agualada.
.
