Josefa Velo Amor, veciña de Curros, na parroquia larachesa de Soandres,cumpriu 104 anos a pasada fin de semana, e como é costume no municipio, recibiu a visita do alcalde José Manuel López Varela, que lle entregou unha placa conmemorativa e un ramo de flores en nome do concello. Tamén recibiu as felicitacións do párroco, Manuel Mallo. Josefa Velo é a persoa de maior idade das case 11.500 que residen no Concello da Laracha. Actualmente son sete os veciños do municipio que superan os cen anos de idade, cinco mulleres e dous homes.
