Un accidente de tráfico no que se viron implicados tres vehículos deixa outras tantas persoas feridas en Teo. A colisión múltiple tivo lugar na N-550, na parroquia de Calo, á altura dunha gasolineira.
O 112 Galicia recibía o aviso do sinistro ás 8:40 horas desta mañá, a través da alerta de Urxencias Médicas. Dende o Centro de Atención ás Emerxencias do 112 alertouse ao GES da Estrada, a Protección Civil e á Garda Civil de Tráfico.Os efectivos sanitarios trasladaron ás tres persoas feridas a un centro hospitalario. O seu estado non reviste gravidade.
