O presidente da Xunta de Galicia e líder do Partido Popular de Galicia, Alberto Núñez Feijóo, será o convidado do programa da Televisión de Galicia «Land Rober», unha emisión que segundo o propio condutor, Roberto Vilar «pasará a historia».
Alberto Núñez Feijóo e o Roberto Vilar anunciaron esta visita nun breve vídeo colgado nas redes sociais. A participación de Feijóo no Land Rober Tunai Show será este mércores 28 de setembro a partir das dez da noite. A cousa promete. O programa xa ten o seu propio cancelo para as redes #LandRoberFeijoo.
