A casa da cultura da Picota, no concello de Mazaricos, acolle o vindeiro xoves 29 de setembro unha xornada sobre a «creación de emprego e riqueza mediante o uso cooperativo do monte comunal» organizada pola asociación galega de cooperativas (AGACA).
A xornada comezará ás 10 da mañá cunha charla sobre a Lei de Montes de Galicia, impartida polo experto asesor de comunidades de montes, Calixto Escariz, e moderada polo técnico de AGACA, Carlos Ares.
Ás 11,45 terá lugar a intervención do xerente de AGACA, Higinio Mougán que falará sobre «Xestión cooperativa dos recursos ociosos dos montes veciñais en man común». A terceira charla será ás 12,30, impartida por Manuel Eirín, asesor de Gaélica Solar que falará sobre «As comunidades veciñais en man común e a eficiencia enerxética como iniciativas innovadoras no medio rural».
Xa ás 13,00, o representante do monte comunal de Carballo, José Manuel Iglesias disertará sobre «A experiencia da CC.MM. De Carballo:crianza de porco celta, produción de cogomelos e mel, explotación de Cabalo de Pura raza galega».
Un representante da asociación de resineiros de Galicia pronunciará(13,30) unha conferencia sobre a resinación de piñeirais, e a técnica Manuel González encargarase de falar sobre «o cultivo de olivas nos montes comunais». As xornadas será pechadas polas autoridades. Máis información na AGACA 981584783.
