O concello de Dumbría abriu o prazo de inscrición para as actividades deportivas e culturais do próximo curso e que permanecerá activo ata o 1 de outubro nas distintas casas da cultura ou no propio concello(981744001).
Desde o departamento de cultura ofrécense as seguintes actividades para nenos: informática, inglés, clases de apoio, teatro, pandeireta e baile rexional ou gaita. Para os adultos ofrécense clases de informática, manualidades, teatro,gaita,técnicas de procura de emprego, obtención do graduado en ESO ou Dumbría Speaks.No apartado de deportes, o cartel confórmase coa escola de fútbol, piragüismo, voleibol, ciclismo, ximnasia de mantemento, etc…Todas as actividades son gratuítas.
